عم سيد كان عاوز يعمل كشك بسيط
قالوا له
بعد ما ساعدوه ولاد الحلال
وعرفوه الاجراءات
ودفع الشئ الفلانى لعم عيد العرضحلجى
واهو بدأ يروح المحليات ويتصرف بنفسه
عشان العين بصيرة والايد قصيرة
راح ع الشباك
وقف طابور مش شايف اوله
وبدأ يتعامل
تعالوا نعيش الحكاية
قدم طلب
من 99 نسخة
اه ما هو الشئ لزوم الشئ
وضاع الطلب
ورجع قدم من الاول
حددوا له معاد
وراح قالوا معلش
أجلنا المعاد
فوت علينا الاسبوع الجاى
راح
فتح الموظف الملف
وقاله
الطلب ناقص بيانات
استوفيها
وبعد ما استوفاها
وحددوا له معاد تانى
وراح الرجل وكله امل
ياااااااااااااااااااااااااااااااااه
معلش المسئول مش موجود النهاردة
وبعد يجى كام شهر
قالوا له أبشر يا سيد
خلاص اتحدد لك معاد لجنة بعد 9 شهور من دلوقتى
ودا بالمحايلة والله يا سيد
واجتمعت اللجنة
وتأجل عشان الاطلاع على المستندات
دقة دقة يعنى
وبعدين تأجيل عشان القرار
ويوم القرار
تأجيل تانى عشان المهندسة مديرة اللجنة عندها حالة وضع
وبعد ما خلصت شهور الرضاعة
قالوا له
للاسف العدد المسموح بيه انتهى وان شاء الله يكون لك نصيب قريب
وتابع التقديمات والعروض الجديدة قريب ان شاء الله
تفتكروا الحكاية دى اتغيرت او بدأت تتغير ؟
المشاركات
9 رأيك يهمنى:
وتستمر القصة ...
كنت فاكرة انه هذا الشيء بيحدث فقط في مصر .. ولكن عدوى الروتين انتقلت بطريقة وأخرى لفلسطين .. كل شيء أصبح بروتين قاتل .. ربنا يلطف فينا في الايام القادمة ..
مش عم سيد بس الى مش واخد حقه وطالع عينه
حتى عم محمود كمان مهضوم حقه حقه ايه قول حقوق كتيررررررررررررر
صورة واقعية لواقع مؤلم وخزى
تقديرى واحترامى
بيتهيألي عم سيد لو كان بقى حرامي كان بقى اسهل له بكتير من انه يعمل كشك
:((((((((( وأعتقد الكلام ده متغيرش بعد الثورة للأسف
ملحوظة : شكل المدونة دلوقتي احسن بكتير من الأول
ربي يستر وخلاص علينا ..
وبالتوفيق لك تقبل مروري المتواضع ..
مع تحياتى
نور
صورة معبرة جدا عما يحدث
ومازال يحدث
بوست متميز
تقبل مروري
iهههههههههههههههههه
لأ منتهتش الحكايات دي لها جزء تاني
لولا
آفة بلدنا وأمـتنا
فوت علينا السنة الجاية
السلام عليكم
شكرا لكم مروركم وتعليقكم وكم اتمنى أن يتبدل الحال للافضل
فلعل القادم يحمل خيرا كثيرا
دومتم فى رعاية الله
إرسال تعليق