السبت، 3 مارس 2012

وسابقوا

ازيك يا امى عاملة ايه وحشانى بقالى كتير قوى مشوفتكيش كنت كل ما بتوحشينى بتملى عنيا الدموع 
امى دى الامانة بتاعة كل مرة وزعيها بقى زى ما انتى عارفة 
امى هو فى قريب مننا هنا غلابة محتاجين انا معرفهمش ؟
الغلابة كتير يا ابنى 
فى خالتك كذا وخالتك كذا وعمك كذا 
يااااااااااااااااه كل دا يا امى 
مش خالتى دى ابنها كبير 
لا يا ابنى دا ولد صغير وعنها غيره كوم لحم وجوزها سابها وساب البلد ومشى 
والتانية جوزها الله يرحمه بقى 
طب بصى يا امى الامانة دى وزعيها عليهم شوفى مين محتاج اكتر وفضليه عن غيره
يمكن نقدر نساعدهم فى توفير لقمة عيش ولا هدمة للعيال من برد الشتا 
جنب منك وجنب منى ناس كتير قوى محتاجين ياريت نمد لهم ايدينا 
ومتتغرش بالمناظر 
( يحسبهم الجاهل أغنياء من التعفف )
شارك ولو بكلمة طيبة دى الكلمة الطيبة صدقة او حتى بابتسامة ما هو تبسمك فى وجه اخيك صدقة وياريت تقدر تساعد فى كفالة أيتام او مساعدة ارامل أو اعانة محتاجين .

12 رأيك يهمنى:

مصطفى سيف الدين يقول...

مبادرة طيبة
لا يستحق الحياة من يعيش فقط لنفسه
و فقنا الله لفعل الخير
شكرا يا صديقي

ليلى الصباحى.. lolocat يقول...

السلام عليكم
جزاك الله خيرا اخى محمد

من اجمل الاهداف فى التدوين واقيمها وارفعها شأننا ان يكون له هدف يرضى الله تعالى
بارك الله فى جهودك الطيبة
تسلم يارب

تحياتى وتقديرى

سواح في ملك اللــــــــــــــــــه- يقول...

الحقيقة اخي محمد

لو نظرنا للدنيا ولانفسنا

سوف نجد ان كل انسان مننا مهما امتلك من اموال

لاينتفع بشئ سوي بمأكله وملبسه

كما قال الامام الشعراوي رحمه الله

ليتنا اخي

ان لانري يوما محتاجا

تحيتي

زينة زيدان يقول...

لفتة جميلة بارك الله فيك أخي محمد

وهدف نبيل

الله في عون العبد طالما العبد في عون أخيه


تحيتي لانسانيتك

بنوتة مصرية يقول...

بوست طيب وجميل ... ربنا يجازيك خير

Unknown يقول...

بارك الله فيك وأعزك
وأحيي مشاعرك الطيبة والراقية

Unknown يقول...

" لا تحقرن من المعروف شيئا "

لــــ زهــــــراء ــــولا يقول...

جزاك الله خيراً يا محمد وجعل تذكرتك في ميزان حسناتك يارب

لولا

;كارولين فاروق يقول...

بارك الله فيك اخي
انت تعلمنا الخير وسوف
يحسب لك هذا في الاخره
تحياتي

غير معرف يقول...

شكرا على التذكير

.. Asmhan .. يقول...

سيناريو يهز المشاعر
" وذكر فإن الذكرى تنفع المؤمنين "
جزاك الله خيراً

مدونة رحلة حياه يقول...

السلام عليكم
جزاكم الله خيرا
ولكم خالص شكرى على تفاعلكم وتواجدكم
دومتم فى حفظ الله