الثلاثاء، 23 نوفمبر 2010

بتحس بايه

بتحس بإيه لما تلاقى الناس كلها همها بقا كورة شغلها بقا كورة فكرها بقا كورة بتنام كورة بتصحى فى كورة كأنهم بطلوا شغل وفضيوا لكورة دا ندية خسران دا ناديه كسبان دا مش عاجبه اللعب ولا اللاعيبة ولا التدريب ولا الملعب ولا الجماهير ولا حتى نفسه ولا حتى عارف مش عاجبه ايه ...........................
بتحس بايه لما تلاقى التبرعات مبقتش للغلابة ولا المساكين ولا الفقراء ولا المحتاجين ولا من بلادهم مطرودين ولا حتى عابرى السبيل ولا حتى المدراس ولا المستشفيات ولا الطرق ولا حتى الكبارى وبقت لفريق كورة ......................
بتحس بايه لما تلاقى ناس بتدور على قوتها ومش لاقيها على شربة مياه ومش لاقياها على هدمة قديمة تغطى جلودهم ومش لاقياها على عشة تداريهم ومش لاقياها وناس تانية فى منتجعات وشاليهات وفيلات ومن دا لـــــــ دا يا قلبى لا تحزن
بتحس بايه لما تبقى ماشى فى الشارع لا بيك ولا عليك وتبص حواليك عادى زى اى حد ماشى فى الشارع وبيبص حواليه وتاخد عينك يافطه كبيرة قوى يااااااااااااااااااااه اكيد فيها حاجة مهمة بسرعة اقرأ وتقراااا وتلاقى اللى مكتوب وحشتنا يا ................. وياريته لحد مهم دكتور زويل مثلا حد عمل حاجة مهمة للبلد مثلا دا لواحد من اللى ......................
بتحس بايه لما تلاقى بنات فى الشارع فى عز الظهر عادى بيحصلهم حاجات تحرش  عادى اغتصاب عادى سرقة عادى سب عادى تشويه عادى ناس ماشية ونسيت هدومها ف البيت عادى زبالة فى كل حتة عادى يااااااااااااااااااااااااااااااااااه........
تحس بايه لو انت ف مستشفى بتزور حد تعبان وتلاقى حد جاى يجرى عليك بسرعة يا جماعة بعد اذنكم حد يدينى مكالمة معلش انا اسف مش معايا رصيد اى حد يدينى مكالمة بسرعة لو سمحتم دا حياة او موت وانت لا بيك ولا عليك تديله موبايلك وفجأة ياخده ويجرى .............ياااااااااااااااااااااااااااه طب لو كنت فى الشارع ووقفت جنبك عربية وتسألت على مكان وقلت له الوصف وقالك طب ممكن مكالمة وبرضه طلعت موبايلك اللى انت اشتريته مكان اللى ضاع التانى وتديه له وبردوا يخدوا ويجرى تحس بايه .........
بتحس بايه لما تشوف الاطفال بدل ما فى المدارس يعلموهم لا يغتصبوهم ياااااااااااااااه طب وشوية تعذيب كمان ومفيش مانع من التحرش وشوية الفاظ من اللى بيقولوا عليها بيئة ياااااااااااااااااه دا حتى البيئة مرحمنهاش .
طب لما تشوف نفس الاطفال دول فى الشارع بيدخنوا ويشربوا مخدرات وكل انواع السم قصدى الكيف ساعتها تحس بايه
طب قولى تحس بايه فى دى اساتذة جامعة واطباء ومهندسين ومدرسين ومحاسبين وغيرهم وغيرهم مش لاقيين شغل ولما يشتغلوا تلاقى مرتباتهم يادوب بدل شحاته اقصد بدل ما يموتوا من الجوع وف نفس الوقت يطلع لك مغنى يقولك انا هاخد ع الفيلم دا بتاع 80 مليون مثلا والتانى ياخد على المسلسل زيهم واللاعب فى الموسم يجى 5 مليون دا اساسى غير البدلات قولى ساعتها تحس بايه .........

برجاء  التعليق من كل من يقرأ الموضوع فتعليقاتكم تفيدنى

3 رأيك يهمنى:

ميتو موون يقول...

مش مهم انت حاسس بإيه المهم انت الاحساس ده أثر فيك بإيه
غير فيك ايه (على فكره فى ناس كتيره مابتحسش)

lossy❤❤ يقول...

عندنا نقول " اش تحس فيه "
-------------

اسمح لي حين أقول ليس احساسنا ذا أهمية بالنسبة

لإحساس من يفعل تلك الأفعال
اللئيمة التي ذكرت...

فعلاً "اش يحس فيه"

من يفعل فعلته حين يفعلها ولا يأبه بأحد ولا يرى الا نفسه ومصلحتها..

يظل عزائنا في أن الخير في أمة محمد قائم إلى يوم القيامة..

شكراً لمثل هذا الطرح وشكري لك لا ينقطع..

شهر زاد يقول...

بحس بقهر يا محمد
بحس اني في دنيا غير الدنيا
بحس اني مبقاش في انسان
بحس الاخلاق رحلت وغابت
والرحمة ماتت وتدفنت
بحس اني غريبة وسط البشر مهاش مطرح
بحس ان الفساد انتشر
والايمان قل
بحس ان الانانية سيطرت
وان الحاجه اعمت الناس
بحس ان الحكومة ظالمه وان الحقائب الوزارية فارغه
بحس ان موتي افضل لي من حياتي
تحياتي لاسئلتك الموجعه