كلام فى كلام ع الفاضى والمليان
مناصب مستغلة ومشاعر بتنداس
حقايق متزيفة والكدب اسمه اساس
ولكل لون وذوق طلبك عندنا
سياسة وفن ومال واقتصاد
دين ورياضة وسحر وشعوذة
ونوشوش لك الودع ونقرا لك الفنجان
ومتقولش حاجة حصرى
فقراتنا مصرى فى مصرى
اقنعة كتير موجودة
وكل لون تلاقيه
طلبك عندنا اكيد
بس اوعى تروح فى اى حتة
هنا فلان وهنا علان
والست دى محبوبة
والست دى أروبه
والأخ دا استاذ فى اثارة الضيوف
والأخ دا ملهوف يعدى الوقت قوام
عنده ارتباطات كتير
يووووووووووووه اتفض اعمل معروف
أصله يا ناس مشغول والوقت دا محسوب
لو يوم يتعب شوية رصيده يقل كتير
عقود وارتباطات
دعاية واعلانات
فقرات كتير وكتير
لكل صغير وكبير
ومعنا احنا بس
عقلك يشت كتير
خبراء فى كل حاجة
ما الخبره مش محتاجة
شوية شعارات ووش
تبقى انت خبير كبير
الكل بيتكلم
عامل علينا معلم
واحنا هنا تايهين
وعقولنا بتتهدم
ما كفاية وارحمونا
والله خنقتونا
نبوس ايديكم كفاية
بغباءكم زهقتونا
عامل نفسك محايد
كدب كلام زايد
وانت يا اخ فلان
ع الناس بلاش تزايد
يا اخوانا الكلمة امانه
مش وقت ومال وخلاص
خلوا ليكم كرامة
واحترموا عقول الناس
عشان زهقت خلاص
بطلت اشوف برامج
المشاركات
14 رأيك يهمنى:
صدقت يا عزيزي
التوك شو برامج الناس الفاضية اللي مش وراها حاجة و سبوبة و مصدر رزق للكتيرين اللي مش لاقيين شغلا مفيد
شكرا ليك يا صديقي
بصراحه وانا كمان بطلت
اشوف واسمع واحس
حاجه بقت مش عارفه ايه دي
ساعدني يا استاذ محمد
بقت بقت مش مهم
المهم حضرتك عامل ايه
سلامي للاسره الكريمه
تحياتي
والله حاسة بكل جرح بكلامك
حاسة الكلمات رغم انها هزل بظاهرها بس
حاسسها من جواتها عم تنزف بكي ودم
الاعلام لأجل التجارة والاعلانات
ما في قناة ولا برنامج صادق
انتا عندك حق يا ابو معاذ
ف ان الفرجة ع البرامج دى
بتحرق الدم فعلااااا
بس الفرجة برضو لا تخلو من متعة
متعة كشف عيوب كل اللى بييجى
و تسقط اقنعته
و تعرفنا قيمته الحقيقية
بمرور الوقت وتواتر المواقف وكدا
تحياتى ليك
وبراحة انتا صاحب عيال
:)
والله صدقت في كل كلمة, دبحونا بالتحليلات و الكلام ووو وانا كمان بطلت أشوف هيك برامج.
لما قرأتها النهارده العصر كده
قعدت اضحك وقرأتها للى كانوا قاعدين جنبى ، وقلتلهم الواد محمد شكله جاب اخره خلاص
ههههههههه
وانا بطلت اشوف تليفزيون اصلا
بجد انا زعلانة علي مصر اووي
د مصطفى
العفو صديقى
فقط كتبت ما فى صدورنا
كارولين
الحمد لله تمام
والكل بيسلم عليك
سلامى للجميع
سعدت بوجودك
زينة
صدقت
هذا هو الحال
والى الله المشتكى
دومتى عزيزة اختى
فاتيما
حاضر
المهم يوسف عامل ايه
لو قعدنا نعد الاقنعة اللى بتسقط لن نستطيع لها حصرا
فالافضل ان نشغل بعيوب نفسنا
كيالة
كم سعدت بوجودك اكثر من المى بطرحى
دومتى بخير
رحاب
دا كويس جدا لصحت
كدا اطمنت عليك
ربنا يرحمنا
التليفيون لم يعد تليفزيونا هوه اللى بيتفرج علينا آسفاعلى ما وصل اليه من مهاترات وخرافات ومضايقات خلاص انا فكرت ازيل مفتاح الفتح وابقى على مفتاح القفل عشان لما افكر افتحه اكرر قفله
إرسال تعليق