الثلاثاء، 21 ديسمبر 2010

ما يقع إلا ........................

السلام عليكم ورحمة الله وبركاته 
النهاردة انا جاى عشان احل الواجب اللى دبسنى فيه والدى الاستاذ فاروق وعموما انا عارف ان المعلومات الشخصية مش هتأثر كتير معاكم بس هاا سلموا أمركم لله بقا وخلاص وبستأذنكم اجابتى هتكون فى شكل سرد مش س و ج ..........توكلنا على الله 
اسمى (محمد متولى ) انسان بسيط جدا بحب القراءاة والكتابة فى مجالات مختلفه مش مجال محدد بكتب من فترة طويلة بس فى اجندات خاصة بيا مش تدوين الكترونى وكان بيكون الغالب عليها مواقف او او احداث يومية وشخصية وخواطر شعرية واللى قلت كتابتى ليها دلوقتى جدا عن الاول اما ان يكون ليا مدونة الكترونية فدى كانت قدر تماما عن طريق فتاة زميلتى فى العمل عرفتنى على مدونتها (ساسوو كافيه ) فالموضوع استهوانى وحبيت اتعلم حاجة جديدة وفكرت ازاى اعمل مدونة وبحثت على الانترنت وفعلا عملتها وبعد كدا هى ساعدتنى فى اضافة بعض الادوات عليها فلها كل الشكر وانا ذكرت الكلام دا قبل كدا فى اول المدونة عشان اوفيها حقها .
التدوين عندى مش مجرد سرد مواقف وخواطر شخصية ولكن عرض للحاجات اللى بتحيط بينا وبنقابلها فى مجتمعاتنا العربية سواء كانت حاجات كويسة محتاجة مننا تنمية وتشجيع او مشكلات محتاجة مننا معالجة وحلول ودا دورنا وحق اصيل لمجتمعاتنا علينا زى ما قلت قبل كدا والحق دا نقدر نوفيه من خلال حاجات كتير فحبيت استخدم المدونة فى حاجة زى كدا واعتقد دا ظاهر فى موضوعاتها .
البداية فى التدوين الالكترونى كانت قريب جدا تحديدا فى 3/11/2010 وطبعا كانت مجرد كلمات بسيطة ما انا لسة بتعلم وكان اهتمامى بالشكل وكل يوم تغير وتبدل وعاوز توصل للشكل المعقول على الاقل بقدر امكانياتك طبعا لسه فى حاجات كتير فيها محتاجة اضافة وتطوير بس اقول اية واحدة واحدة الصبر جميل .
اهم طموح بالنسبة ليا من خلال المدونة اننا نوصل لكل الناس ولكل المستويات ومش بس نوصل ولكن نؤثر فيهم بشكل ايجابى  ودا اللى خلانى بحاول اختار اى موضوع كويس قبل ما اطرحه لحضاراتكم لأن قناعتى انى لو مش هقدر اكون مؤثر فى غيرى ولو مش هقدر اساعد فى رفع شأن بلادى ولو مش هقدر اوصل معلومة لحد محتاجها من خلال كلماتى يبقى انا كدا بضيع وقتى ووقت حضاراتكم معايا .
نفسى كل واحد مننا يفكر قبل ما يطرح عرضه دا يهم الناس ولا لا طب دا هيساعدهم هيفيدهم هيأثر فيهم اكيد لو كلنا عملنا كدا فى حاجات كتير هتتغير .
بتمنى استمر مع حضاراتكم طول ما انا عندى القدرة على الكتابة والمناقشة والحوار والعرض وطول ما فى حوالينا وجوانا حاجات محتاجة منا الحوار والوقت اللى بنقضيه فى مناقشتها .
بحب دينى بحب بلادنا نفسى ترجع تانى منارة لكل الدنيا زى ما كانت .
 نفسى اشوف كل فرد فى بلادنا بيخاف عليها ويتمنى يقدم لها كل اللى يقدر عليه نفسى يكون لينا دور فى تنميتها واعادتها لوضعها الطبيعى .
 نفسى نرجع تانى احنا منكونش تقليد اعمى وخلاص .
 نفسى نوصل لأى حد بيفكر يضر بلادنا وارضنا بحاجة لقناعة تخليه يفكر بعمر عمره فى رد فعلنا هيكون ايه عليه .
 نفسى ارضنا تطرح وتنبت علماء وادباء ومفكرين ودعاة فى كل المجالات تانى زى ما كنا زمان .
 نفسى نكون كلنا ايد واحدة ماشين فى طريق واحد ولينا هدف واحد نفسى نرجع جسم واحد بقلب واحد .
نفسى يكون عندنا ثقة فى الله أولا ثم فى قدراتنا وامكانياتنا اننا نقدر نوصل طالما احنا بنحاول 
نفسى مدونتى تكون بتساعد لتحقيق دا وتساعد فى فهم كل حاجة صح 
انا اسف طولت عليكم كالعادة شكرا على وقتكم ومستنى تعليقاتكم
فى البوست القادم 
تفتكروا اديناهم حقهم 


اى حد عنده حاجة تفيد فى الموضوع دا يكتبها لى او يبعتها ليا على الايميل دا accountant_1982@yahoo.com
ولكم منى جزيل الشكر 
والسلام عليكم ورحمة الله وبركاته


22 رأيك يهمنى:

تخاريف مترجــِــمة يقول...

ربنا يوفقك ويثبت خطاك

ما شاء الله المدونة تعتبر لسه مولودة جديد لكنها ملئى ببوستات هادفة جدا وفكر راقي

دمتَ مبدعاً وللأمام دوما ان شاء الله

شهر زاد يقول...

حقيقي هذا الشبل من ذاك الاسد
تشرفت بمعرفتك والله وزادني شرفا ما لمسته من جدية وطيبة في كلامك
تحياتي

Dr/ walaa salah يقول...

اجاباتك جميله يا محمد وعرفتنا على جزء من جانب شخصيتك

جميل ان مدونتك تكون ليها هدف زي ما دايما بشوف في مواضيعك


مشكور وفي انتظار البوست القادم

مازن الرنتيسي يقول...

بسم الله وبعد
تشرفنا بمعرفتك وفقك الله لما يحب ويرضى وإلى الأمام إن شاء الله

إخوانك في الله
المنشد أبو مجاهد الرنتيسي
أحلام الرنتيسي

Carmen يقول...

حقا قلم رائع لشخص رائع
تقبل خالص احترامي

جايدا العزيزي يقول...

شخصيتك جميله محمد

مجتهد قلمك مميز

سعيده بالتعرف عليك اخى

تحياتى

سواح في ملك اللــــــــــــــــــه- يقول...

اهلا بيك اخويا محمد
تحياتي الطيبة ليك

هبة فاروق يقول...

تشرفت بمعرفتك ومدونتك جميلة
بارك الله فيك
تحياتى لك ولقلمك المبدع

;كارولين فاروق يقول...

وفقك الله
واكيد عرفناك اكثر
وكل واجب سيضيف
اكثر
اما اهتماماتك
فتحترم
حديثك شيق
وتشرفنا بك

فاروق سحير ( فاروق بن النيل ) يقول...

محمد متولى ..........
بأشكرك على تلبية الدعوة وحل الواجب وهربت من الأسئلة بلباقة وخليتها سر د عشان تتوهنا معلش مرة تانية حاندبسك وحانشوف حاتهرب إزاى
فيه واجب عزاء عند الأخت شهزاد صاحبة مدونة أحلام شرزاد المرحوم محمد فارس

غير معرف يقول...

السلام عليكم و رحمة الله و بركاته أخي الكريم المشرف على المدونة

أن صاحب مدونة الأمل أردت أن أدعيك لزيارة مدونتي و ترك بصمتك فيها و الادلاء على رأيك فيها

تقبل مني فائق الاحترام و التقدير

رحاب صالح يقول...

حلو الكلام كلة استاذ محمد
وانا اعرف مدونة ساسوو كافية واعرف صاحبيتها معرفة مش كبيرة لكن هي كانت انسانة جملية بجد ومش عارفة لية تركت المدونة واتجهت للفيس بوك واهملتها
كلامك كله جميل وبيدل علي شخصية عايزة تأثر في المجتمع واللي حواليها وان شاء الله تقدر تفيد وتستفيد
دمت بخير

غير معرف يقول...

أخي الكريم ..
تحياتي ..
أؤيدك بشكل تام فيما ذكرت حيث أن التدوين من المفترض أن يحمل هدفاً أو رسالة موجهة لفئة ما أو للانسانية بشكل عام .. كما أنني أتمنى على الأخوة المدونين الابتعاد قدر الامكان عن بث اليأس والاحباط في تدوينهم .. ومحاولة التركيز على الأمور الإيجابية لأنني لا أرى فائدة من البكاء ووصف الواقع المرير ..فليكن همنا هو اضفاء مسحة من الأمل والاهتمام بالقيم الجمالية كالخير والحب والجمال والحق ..

لك تقديري واحترامي

نور خالد
مدونة فنجان شاي

ʚϊɞ آلاء الْعَسَّاف ʚϊɞ يقول...

السلام عليكم ورحمة الله و بركاته

بالتوفيق آخي الكريم و إن شاء الله يتحقق كل اللي نفسك فيه يا رب .. دمت بخير

eng_semsem يقول...

وعشان كده بتتجدد الزياره ونيجي نشوفك لاننا حاسين ان ليها هدف ولما نجي بنلاقي حاجه جديده نستفيد منها
تقبل تحياتي وسعادتي بالتعرف عليك

Heba Salem Youssef يقول...

السلام عليكم ورحمة الله وبركاته
------------------------------

حقيقة قلمكم رائع
اثرت فى تلك الكلمات بشدة
وانا احترم كل قلم خط حرف اضاف جديد
فهذة هى الثمرة الحقيقية للكتابة

وفقكم الله فيما تكتبون
وبارك الله فيكم

فشكووول يقول...

السلام عليكم
تحياتى
اشكرك على الحضور فى فشكول
ما علهش اتأخرت فى الرد عشان مش بدخل المدونه الا كل حنين ومنين
يا ريت كل واحد يحب يسجل خواطره ويعمل زيك كدا يعمل له مدونه .. بس المشكله انها بتبقى عبأ على الواحد وساعات كتير مش بيدخل فيها وبعد فتره بتيجى له شوية ملل من التدوين .
لكن على العموم هى مش حتنقص مننا حاجه ولو الواعد عايز يتكلم مع نفسه او يخبط دماغه فى الحيط احسن يعمل كدا فى المدونه
تحياتى

خاتون يقول...

السلام عليكم ورحمة الله وبركاته
لقد تجولت في المدونة وأرى أنها مدونة تستحق المتابعة وتحمل فكرة واضحة وأسلوب شيق ومتغير ... سعيدة بمعرفتي لهذه المدونة الراقية

وبانتظار بوستك القادم وأرى أنه الحياة بالطبع حقا لهم، ووجود أمثالهم سوف يكون مكسب لنا حيث منهم المبدعين ومنهم من يكون مجال لكسب الأجر ونتعلم منهم الكثير ونستوعب من خلالهم نعم الله علينا

شكرا لك واتمنى لك التوفيق ^_^

الغاردينيا يقول...

سلام عليكم :)

هذا اول تعليق لي عندك :) ومش الاخير ان شاء الله :)
كل ما قراته عنك بيحسسني بمدى شخصيتك الجميلة من مختلف النواحي وايضا مقارنه
بكونك مبتدئ بعالم التدوين فبداية جدا موفقة لك :) وجميل جدا يكون عندنا امل
نحتاجه مادمنا نطلق على انسفنا اسم رحلة حياااااه :)

تحياتي , وبالتوووووووووفيق لك

افروديت يقول...

شيء جميل أننا نتعرف بيك أكثر...

ويعجبني حقآأنتقائك لمواضيعك فهي هادفة ومتنوعة وقليلآ مانجد أقلآم ارعه مثلك تكتب فيها

تحياتي لك

مدونة رحلة حياه يقول...

السلام عليكم
بوجه كل الشكر والتقدير لكل اللى اسعدونى بتعليقاتهم :-
مدونة تخاريف مترجمة - شهر زاد - د/ ولاء صلاح - المنشد ابو مجاهد الرنتيسى - احلام الرنتيسى - كارمن- جايدا - سواح - هبه فاروق - كارولين فاروق - أ / فاروق اللى دبسنى - رحاب صالح - غير معرف - الاء العساف - eng - semsem - د/ هبه - فشكووول - خاتون - الغاردينيا - افروديت
بتمنى ان المدونة متكونش بتضيع وقت حضاراتكم فى مطالعتها واتمنى انها تكون هادفه ولها تأثير واتمنى ان ربنا يوفقنا كلنا للافضل
وتانى بشكر حضاراتكم جميعا وانا اسف على تأخير البوست الجديد بس انا لسه بجهز الموضوع فسامحونى

زينة زيدان يقول...

أخي محمد

عالم بلوجر التدويني سعيد بك

أشكر اهتمامك بذوي الحاجات الخاصة في السلسلة السابقة وهنا
أعجبتني طريقة السرد والتعريف عن ذاتك

لي تلميح بسيط وما هو غلا تلميح لا أكثر
هناك بعض الموضوعات يكون طرحها باللغة الفصحى أقوى ويعطيها زخم وقيمة أكبر
هذا رأي الشخصي

تحيتي