الأربعاء، 16 نوفمبر، 2011

ولا أراكم الله مكروها فى عزيز لديكم


عم سيد كان عاوز يعمل كشك بسيط
قالوا له
بعد ما ساعدوه ولاد الحلال
وعرفوه الاجراءات
ودفع الشئ الفلانى لعم عيد العرضحلجى
واهو بدأ يروح المحليات  ويتصرف بنفسه
عشان العين بصيرة والايد قصيرة
راح ع الشباك
وقف طابور مش شايف اوله
وبدأ يتعامل
تعالوا نعيش الحكاية
قدم طلب
من 99 نسخة
اه ما هو الشئ لزوم الشئ
وضاع الطلب
ورجع قدم من الاول
حددوا  له معاد
وراح قالوا معلش
أجلنا المعاد
فوت علينا الاسبوع الجاى
راح
فتح الموظف الملف
وقاله
الطلب ناقص بيانات
استوفيها
وبعد ما استوفاها
وحددوا له معاد تانى
وراح الرجل وكله امل
ياااااااااااااااااااااااااااااااااه
معلش المسئول مش موجود النهاردة
وبعد يجى كام شهر
قالوا له  أبشر يا سيد
خلاص اتحدد لك معاد لجنة بعد 9 شهور من دلوقتى
ودا بالمحايلة والله يا سيد
واجتمعت اللجنة
وتأجل عشان الاطلاع على المستندات
دقة دقة يعنى
وبعدين تأجيل عشان القرار
ويوم القرار
تأجيل تانى عشان  المهندسة مديرة اللجنة عندها حالة وضع
وبعد ما خلصت شهور الرضاعة
قالوا له
للاسف العدد المسموح بيه انتهى وان شاء الله يكون لك نصيب قريب
وتابع التقديمات والعروض الجديدة  قريب ان شاء الله
تفتكروا الحكاية دى اتغيرت او بدأت تتغير ؟


9 رأيك يهمنى:

وجع البنفسج يقول...

وتستمر القصة ...

كنت فاكرة انه هذا الشيء بيحدث فقط في مصر .. ولكن عدوى الروتين انتقلت بطريقة وأخرى لفلسطين .. كل شيء أصبح بروتين قاتل .. ربنا يلطف فينا في الايام القادمة ..

رحاب يقول...

مش عم سيد بس الى مش واخد حقه وطالع عينه
حتى عم محمود كمان مهضوم حقه حقه ايه قول حقوق كتيررررررررررررر

المدونون العرب يقول...

صورة واقعية لواقع مؤلم وخزى
تقديرى واحترامى

Lady E يقول...

بيتهيألي عم سيد لو كان بقى حرامي كان بقى اسهل له بكتير من انه يعمل كشك
:((((((((( وأعتقد الكلام ده متغيرش بعد الثورة للأسف

ملحوظة : شكل المدونة دلوقتي احسن بكتير من الأول

نور القمر يقول...

ربي يستر وخلاص علينا ..
وبالتوفيق لك تقبل مروري المتواضع ..
مع تحياتى
نور

Casper يقول...

صورة معبرة جدا عما يحدث
ومازال يحدث

بوست متميز
تقبل مروري

لـــولا وزهـــراء يقول...

iهههههههههههههههههه

لأ منتهتش الحكايات دي لها جزء تاني
لولا

norahaty يقول...

آفة بلدنا وأمـتنا
فوت علينا السنة الجاية

مدونة رحلة حياه يقول...

السلام عليكم
شكرا لكم مروركم وتعليقكم وكم اتمنى أن يتبدل الحال للافضل
فلعل القادم يحمل خيرا كثيرا
دومتم فى رعاية الله