الاثنين، 5 ديسمبر 2011

مصر بعيونى

دعيت الى المشاركة فى جدارية ادون طنى من قبل الرائعة لبنى احمد نور للتدوين من اجل الوطن وعندما هممت بالكتابة زاغت منى الكلمات كعادتها وبكى فى يدى قلمى ونزفت عينى بسيل من الدموع حتى خالطت الدموع اوراقى عندما نظرت الى وطنى ، نزفت عينى الدموع عندما رأيت دماء اخوانى تنزف فى كل شبر من وطنى على يد ابناء وطنى ، نزفت عينى بدموع عندما رايت عيون اخوانى تنزع بلا اى رحمة بأيدى  ابناء وطنى .
قررت الصمت فليست هناك كلمات توازى قدر وطنى 
قررت الصمت فدماؤنا اقل ما يقدم هبة لوطنى 
قررت الصمت فربما صمت يحرك جبالا تخشع مبتهلة لربى أن يحفظ وطنى 
قررت الصمت فيكفينى ان نبضات قلبى لا تطرب الا حبا لوطنى 
قررت الصمت فليس هناك فى الكون وطن كوطنى 
قررت الصمت شكرا ان وطنى هو وطنى 
ثم اقتطفت كلمات كنت قد نشرتها على صفحتى على الفيس بوك استعين بها فى الكتابة مادامت كلماتى خاصمتنى فإليكم كلماتى عن مصربأبسط كلمات

يعنى ايه مصر يعنى دم بيجرى فى عروقنا يعنى نبضات بتدق فى قلوبنا يعنى دموع بتغسل عيونا يعنى قلب بيه بنعيش وحب مينتهيش يعنى هموم مواطن بسيط كل همه لقمة عيشه يعنى فرحة ام بطفلها اول ما بيتولد وفرحة طفل باول لعبة بيمسكها وفرحة عاشق بحضن حبيبته يعنى هوا وشمس وضل يعنى لمسة وكلام محسوس يعنى حياة بكل افراحها واحزانها هى دى مصر النفس اللى من غيره نموت
يعنى لمة عيلة بتعمل كحك العيد
يعنى ابتسامة وطيبة وحب نابض من العيون لاى حد من غير سابق معرفة
يعنى شهامة وجدعنه من غير حدود
يعنى كرم وعزة نفس مفيش زيها فى الوجود
يعنى ضحكة فلاح عجوز بيعشق تراب أرضه وملامحها باينه فى معالم وشه
يعنى سلام مع كل من مد ايده بحب وقرب
وقوة على كل من سولت له نفسه باغتصاب اى شئ مش ليه
يعنى شعب باختصار اللى فى ايده مش ليه
واللى يحب يضحى علشانه بعينيه
مصر جمالها فى اهلها
مش بس فى نيلها وضلها
ولا بس فى موقع ارضها
مصر يعنى تاريخ كفاح حضارة
مصر يعنى نسمة تسحر كل الدنيا بطلة منها فى العصارى

27 رأيك يهمنى:

لبنى أحمد نور يقول...

الأروع هو صدقك وصِدق هذا الوطن
تحية وافرة لك ولهذه التدوينة الجميلة والصادقة

وجع البنفسج يقول...

يعني ايه مصر ..

يعني ابتسامة وطيبة وحب نابض من العيون لأي حد من غير سابق معرفة ..

يعني ايه مصر ..

يعني أم الدنيا وأبوها كمان ..

ربنا يحفظها يارب بسواعد الشرفاء من أبنائها .

;كارولين فاروق يقول...

عبرت يا استاذ محمد حبك لمصر
في شعر ونثر في غايه الجمال
استمتعت انا بها شخصيا
وجددت الوطنيه وانعشتها
بارك الله فيك وفي مصر الحبيبه
اشكرك

رحاب يقول...

يعني ابتسامة وطيبة وحب نابض من العيون
يعنى ضحكة فلاح
يعنى عزة
يعنى كرامة
يعنى قوة
يعنى الى فى ايدك مش ليك
يعنى الى يضحى بعنيه
يعنى بأختصار مهما قولنا مش هنقدر نلاقى كلام يعبر يعنى ايه مصر
المقدمه حلوة اوى

مصطفى سيف الدين يقول...

مصر يعني انا وانت يعني قلوب طاهرةبتستنى الفجر علشان تقوم تصلي فيملاها الطهر والدفء بعد ليل بارد
مصر يعني روح صافية بكر يعني شجرة نور كبيرة بتحمينا من كل سيء وبتنزر طريقنا
مصر يعني قلمك الجميل
اشكرك كالعادة رحلتك تعلمنا الكثير والكثير

هبة فاروق يقول...

جميله وساحره
انشوده جميله فى حب مصر
تحياتى

شهرزاد المصرية يقول...

يا رب فلتتقبل كلماتنا و دعائنا و تحفظ وطننا مصر من كل سوء و ترضى نفوس الجميع كى تتوقف المعرك الكلامية و الفعلية بين أبناء الوطن الواحد
اللهم آمين
جميلة كلماتك يا أستاذ محمد
تحياتى

فاروق سحير ( فاروق بن النيل ) يقول...

محمد متولى........
كلنا مجروحين كلنا ننزف كلنا ندمع ...
لكن من الألم تخرج السعادة ومن الجروح وبذكر الله تطمئن القلوب وفى الحقيقةفإننى
لاأيأس من رحمة الله زالذى يحدث هو فترة تحول من أقصى اليسار إلى أقصى اليمين فيجب أن تتحطم أناس وتداس أجناس وتتفتت أعراس وتخنق أنفاس وتتكسر أضراس وينزوى الوسواس ويزول الخناس ويبقى الإنسان الحساس

نور القمر يقول...

ربي يحمي مصر ان شاء الله ..موضوع حلو بارك الله فيك
مع تحياتى
نور

شيرين سامي يقول...

مصر جميله في عيون اللي بيشوفها بقلبه :)
الكلمات رائعه و الصوره تُحفففففه

تحياتي و كل التقدير لك

لـــولا وزهـــراء يقول...

تسلم ايدك يا محمد ع الكلام الجميل ده
وان خاصمك القلم في البداية فلعله صالحك في مواطن اخرى سابقة جودت خلالها بكلمات جميلة

لولا

هبة فاروق يقول...

تسلم ايدك وقلمك وفكرك
كلمات اكثر من رائعه
تحياتى

مدونة رحلة حياه يقول...

لبنى احمد نور
شكرا لك على ذوقك وكلامك الجميل
دومتى بخير

مدونة رحلة حياه يقول...

وجع البنفسج
اللهم امين
شكرا لك اختى
دومتى بخير

مدونة رحلة حياه يقول...

كارولين
يسعدنى جدا وجودك مجددا
شكرا لك على اطرائك
دومتى بخير

مدونة رحلة حياه يقول...

رحاب
شكرا لك على متابعتك وتعلقيك
دومتى بخير

مدونة رحلة حياه يقول...

مصطفى سيف الدين
العفو اخى فمنك دوما اتعلم
حفظ الله مصرنا امنا وامانا

مدونة رحلة حياه يقول...

هبه فاروق
شكرا ليك يا افندم
دومتى بخير

مدونة رحلة حياه يقول...

د شهرزاد
اللهم امين
يارب يحفظ مصر دايما وابدا ان شاء الله

مدونة رحلة حياه يقول...

م فاروق
نعم ابى عندك حق
اللهم امين
دومت بخير

مدونة رحلة حياه يقول...

نور القمر
اللهم امين
شكرا لك دوما

مدونة رحلة حياه يقول...

د شيرين
متشكر لحضرتك يا دكتورة
وجودك الاجمل

مدونة رحلة حياه يقول...

لولا
الله يسلمك
ربما يكون ذلك حدث
دومتى بخير

faroukfahmy58 يقول...

كما قالت يا محمد الاخت الفاضلة
لبنـــــــى
صحيح الاروع هو صديقك
وصديق هذا الوطن
تدوينتك فى حب مصر ياخسارة وميت خسارة اللى مر عليها ولم يقبلها
هزتنى شدتنى اوجعتنى
بوركت يا محمد وتباركت اعمالك آسف ان كنت اتأخرت عليك
الفاروق

faroukfahmy58 يقول...

كما قالت يا محمد الاخت الفاضلة
لبنـــــــى
صحيح الاروع هو صديقك
وصديق هذا الوطن
تدوينتك فى حب مصر ياخسارة وميت خسارة اللى مر عليها ولم يقبلها
هزتنى شدتنى اوجعتنى
بوركت يا محمد وتباركت اعمالك آسف ان كنت اتأخرت عليك
الفاروق

faroukfahmy58 يقول...

كما قالت يا محمد الاخت الفاضلة
لبنـــــــى
صحيح الاروع هو صديقك
وصديق هذا الوطن
تدوينتك فى حب مصر ياخسارة وميت خسارة اللى مر عليها ولم يقبلها
هزتنى شدتنى اوجعتنى
بوركت يا محمد وتباركت اعمالك آسف ان كنت اتأخرت عليك
الفاروق

مدونة رحلة حياه يقول...

استاذى فاروق فهمى
اشكر لك سيدى تعليقك وكلماتك فى حقى واتمنى ان اكون عند حسن الظن
دومت بخيرسيدى