السبت، 4 ديسمبر 2010

مش عادى

فى حاجات كتير بنحس بمرارة لما نشوفها وحكايات كتير بنحس بمر ارة لما نسمعها وكلام كتير بنحس بمرارة لما نقراه
اكيد انا مش قصدى ابدا اضايق حضاراتكم بالكلام دا بس الحاجات اللى هقولها يمكن تكون مهمة ويمكن نقدر سوا نغيرها لأن دا المقصد من كل حاجة اننا نقدر ناخد بإيد بعض نساعد بعض مش احنا كلنا اخوات المواقف والحكايات دى كلنا بنشوفها واكيد بتضايقكم زى ما بتضايقنى مش دا المهم انما المهم اننا نقدر نغيرها او نمحيها من قواميسنا نشيلها من عاداتنا
لما تقرا مثلا انا بقول مثلا ان ولد عمره 21 سنة بيغتصب بنت اخته اللى عمرها 7 سنوات لما اخته سابتها معاه وراحت السوق ومفيش مشكلة بالنسبة لها عشان سايبة بنتها مع خالها واول ما تخرج وتسيب البيت يعتدى هو ع البنت بكل وحشية واكتر من مرة ويطلب منها متقولش لحد (حاجة تكسف ) ياااااااااااااااااااااااااااه هو نسى ان خالها هو نسى انها بنت صغيرة هو ليه مرحمش طفولتها مرحمش صراخها مرحمش براءتها مرحمش ضعفها مرحمش دموعها مرحمش اخته مرحمش اهله مرحمش نفسه مفكرش لحظة ايه اللى ممكن يترتب على فعلته دية مفكرش لحظة انه ممكن يموت وهو بيعمل كدا مفكرش لحظة انه بيدمر مستقبله ومستقبل الطفلة البريئة اللى ملهاش اى ذنب غير ان خالها معندوش اى قلب لا دا كل دا عشان نسى ربنا هو ليه الحاجات دية بقت عادية فى مجتمعاتنا هو دا عادى اكيد مش عادى
لما تقرا ان طفل صغير مامته سابته مع  جده ولما رجعت لقت الولد تعبان وبينزف بسرعة راحوا بيه على المستشفى وبعد الكشف والفحوصات يتبين ان الولد تعرض لاعتداء جنسى ويحاولوا يعالجوا الولد لكن قدر الله سبق ويموت الطفل ويسأل ابوه كان فين ابنى وحصل له ايه ومن عمل فيه كده الولد اللى مكملش 4 سنوات بيموت بسبب الاغتصاب الوحشى وترد الام انا سبته مع جده وتبدأ تظهر الفضايح وتقول الام ان ابوها هو  اللى اعتدى ع الولد وانه حاول يعتدى عليها كتير قبل ما تتزوج وفعلا اعتدى عليها ويقول جوزها انه لما اتجوزها لقاه مش يكر ولما سألها قالت له انها اتعرضت للاغتصاب قبل الزواج وانها طلبت منه ان يسترها ويقول الجد مش انا دا ابنى فلان اللى عمل كدا  ياااااااااااااااااااااااااااااااااااااااااااااااااه هو الدين ضاع لدرجة دى من قلوبنا من بيوتنا من عقولنا من عاداتنا هو احنا مبقيناش نخاف من ربنا هو انتهاك الحرمات والمحارم بقا عندنا شئ عادى اكيد مش عادى
رنات المحمول والاصوات والكلمات الغريبة والبذيئة والعالية جدا اللى بنسمعها فى كل مكان نروحه حتى المساجد مسبناش مكان مجرد ما تركب اى سيارة تلاقى ولد او بنت او اكتر يقوم مشغل تليفونه ومعلى الصوت على الاخر يا اخى انت عاوز تسمع احنا ذنبنا ايه ما تراعى ان ممكن يكون جنبك واحد تعبان او عنده ظرف او متضايق او مش حابب يسمع او مصدع هو احنا لية مبنراعيش شعور حد
تلاقى اتصالات تيجلك فى اوقات متأخرة من الليل وترد تلاقى معاكسات هو اللى بيحصل دا عادى اكيد مش عادى
لما تلاقى الناس بتسرف كتير جدا فى الاكل والشرب واللبس لمجرد التباهى والتفاخر وانه احسن من غيره وانه عنده اللى مش عند غيره يا اخى ربنا يزيدك بس احنا أمرنا بالاقتصاد مش بالاسراف (وكلوا واشربوا ولا تسرفوا ) احنا أمة وسط فى كل شئ فى الحزن والفرح  فى الشدة والفرج لازم نراعى شعور غيرنا لازم نحس بغيرنا لازم نعيش مع بعض لكن ميكونش الحال بالشكل دا



مينفعش نسرف ببزخ وبشدة على حاجات تترمى ( لن تزولا قدما عبد يوم القيامة حتى يسأل عن أربع منها ( ماله من اين اكتسبه وفيما أنفقه ) السيدة عائشة ام المؤمنينى رضى الله عنها كانت تقول كان يمر علينا الهلال تلو الهلال تلو الهلال ولا يوقد فى بيت النبى ناروكمان كان بيربط على بطنه الشريفة الحجران من شدة الجوع 
مينفعش تكون ناس بتموت من التخمة وناس تانية مش لاقية شربة مياه مش لاقيه لقمة تاكلها مش لاقيه ورقة شجره تسد جوعها

النبى صلى الله عليه وسلم كان يقول مثل المؤمنين فى توادهم وتراحمهم وتعاطفهم كمثل الجسد الواحد اذا اشتكى منه عضو تداعى له سائر الجسد بالسهر والحمى 
يااااااااااااااااااااااااااه دا طفل بيلم بقايا الطعام اللى مرمى بياكله وطفل امه ماتت من الجوع وهو بيصرخ بيبكى يا ترى هيكون مصيره زيها يا ترى هيكون ردنا ايه لما نتسأل عنهم  يا ترى احنا امة واحدة لسة ولا اننا نكون كل واحد مالوش علاقة بالتانى ولا يحمل هم التانى دا شئ عادى اكيد مش عادى 
مش عارف  فى حاجات تانية كتيرة جدااااااااااااااااااااااااااااااا  لو كتبت وكتبت وكتبت مش هقدر اكملها تعالوا معايا خطوة بخطوة نرجع زى ما كنا وزى ما ربنا اراد من أمتنا وزى ما زكانا وخلقنا واصطفانا ( كنتم خير أمة أخرجت للناس ) ساعتها هيكون كل شئ عادى 

16 رأيك يهمنى:

فاروق سحير ( فاروق بن النيل ) يقول...

محمود..........
دعنى أكتبها بالعربى ............
هذه هى المشكلة الحقيقية لنا ولن ينصرنا الله ويفك أزمتنا هذه اللى إحنا فيها إلا إذا نظر الإنسان إلى أخيه وجاره وفقيرا ومسكينا وعابرسبيل هذه الكلمات من الدين بالقرآن والسنة والأحاديث نسمعها كثيرا ونرددها مثل البغباغانات ولاحياة لمن تنادى تدخل من ودن وتخرج من الأخرى لاشيئ بالعقل أو القلب من هذا لوسألنا
مثلا أصحاب جميع المدونات وصاحباتها هل تريد أن تبدأ بالقدس وفلسطين والعراق وأفغانستان أو تبدأ ببلدك فورا سيكون الرد من معظمهم(إن لم يكن الجميع) : سنبدأ ببلادنا أولا فهى أولا بنا بمجرد كتابتى لقصيدة أسميتها :
" قدساه لاتنتظرينى " وكانت قصيدة ممتازة كما سمعت ذلك للأسف من تعليق فتاة فلسطينية بس والباقى يقولون :
خلينا فى بلدنا نحررها الأول من المحتلين اللى إحتلوها وبعدين نشوف فلسطين
هل هذا منطق المسلم الذى دعى له رسول الله وأمره بالتراحم والتعاطف وأن يكون جسدا واحدا أليس ذلك مقدار من الإيمان للمسلم .
سوف تجد صديقى قليلا جدا من التعليقات عندك فى هذا الموضوع وربما التعليقات التى تأتى ستصيبك بالإحباط عموما ندعوا الله للجميع بالهداية.

جايدا العزيزي يقول...

الله قد ايه سعيده بمدونه رحلةحياة

وبشكر اخى محمد لانه عرفنى عليها

قد ايه الطرح راقى

وما ادهشنى المصداقيه

اكيدحاجات كتير بتألمنا

لاننا لا نتصرف بعقل

سعيده بمتابعتى

واشكرك

كل عام وانت الى الله اقرب وعلى طاعته ادوم

كل عام وانت واسرتك بالف خير

تحياتى

مدونة رحلة حياه يقول...

شكرا جايدا وسعيد جدا بمعرفتك وكل عام وانت طاعتك لله تزيد

غير معرف يقول...

الاسراف في الولائم هو اكثر ما نواجهه في حياتنا

واكثر ما يضايقني حقيقة..

شكراً لطرحكـ الهادف

محمد سعد القويري يقول...

تحية عطرة معطرة
Attention Please >>>>
المعذرة .. هذا تعليق خارج النص ..
دعوة للمشاركة في
مشروع مقروءاتي الثالث
للمشاركة ولمزيد من التفاصيل .. هنا
http://qweary555.blogspot.com/2010/12/1431.html
ــــــــــــــــــــــــ
وإن شاء الله تكون هذي بداية سلسلة من الزيارات :)

همسات وبحــ الحياه ــر يقول...

سعيده جدا بزيارة حضرتك لمدونتى
اكيد الكلام اللى حضرتك قولته مش عادى بس للاسف الوازع الدينى بدأ فى الانحدار
مش بيقولك شيل الدين من الدنيا هتتحول ثوانى لغابه :(
الله المستعان
موضوع جميييييل
تحياتى

Dr/ walaa salah يقول...

موضوعك صعب جداً لأنه اصبح منتشر للأسف

كل حاجه كان الواحد ميقدرش حتى يتخيل انها تحصل بقت تحصل دلوقتي عادي

يمكن عشان قيم كتير بقت مفقوده

والبعد عن الدين وتعاليمه بقى منتشر بين الناس

ربنا يرحمنا برحمته ويحسن ختامنا

اشكرك على بوستك وعلى مدونتك الجميله واسمح لي بمتابعتها

غير معرف يقول...

حسنى مبارك يقدم غاز مصر هدية لدعم إسرائيل و مصر تخسر حوالى 100 مليار دولار فى 20 سنة لأسرائيل !!!

التقت شبكة الإعلام العربية "محيط " مع السفير إبراهيم يسري مساعد وزير الخارجية ومدير إدارة القانون الدولى والمعاهدات الدولية الأسبق بوازرة الخارجية وكان هذا الحوار ...

لعل أزمة الأنابيب الموجودة حاليا حيث يتعذر علي المواطنين الحصول علي احتياجاتهم اليومية من الغاز تثبت بالدليل القاطع لكل الناس فشل سياسة الحكومة بتصدير ثروتنا الطبيعية من الغاز لإسرائيل بأسعار فكاهية دولار وربع للطن المتري في حين أن السعر العالمي اثني عشر دولارا ونصف. وهذا معناه إننا نحرم المصريين مع صباح كل يوم من مبلغ 13 مليون دولار أمريكي يمثل فرق السعر في الوقت الذي يتزايد فيه أعداد العاطلين والفقراء وهو ما يمثل حرمانا للمواطن المصري الفقير والمحتاج من ثروة بلده من الغاز ...

باقى الحوار تحت عنوان ( جدارغزة وتصديرالغاز لإسرائيل إهدار للمصالح المصرية ) فى صفحة الحوادث بالرابط التالى www.ouregypt.us

فارسه وجوادها يقول...

أكيد مش عادي اللي قمت بكتابته او اللي فعلا بحياتنا موجود

واحنا حننكر ليه ما هو مش شي مستحيل انه يصير خصوصا لما الناس تبعد عن الدين ويقل الدعاه

بجد موضوعك أثار اشمئزازي صراحه وأغاضني وصرت خايفه اكثر من الحياة الظالمه اللي ما بتعرف حدود للأدب

اصلا ما بتعرف معناه

لكن المهم انه نتصدى ليه ما نسكت منشان كلام الناس
بل على العكس
لا زم نتحرك مش اللي صار صار بس فاضل العقوبه


المهم مدونتك كتير عجبتني وقدرت اوصلها وأبدا ما ندمتش لانه مواضيعها قيمه للغايه

سلامي
يعطيك العافيه

شهر زاد يقول...

منت يا محمد طرحت المشكل وعرضتو وفصلتو
وكمان طرحت الحل
الحل في الدين
احنا زغنا عن شريعتنا
عن قيمناا الاسلامية
عن اخلاقنا
ضاعت اركان الاسلام لو كان في زكاة مكنش في جوع ولا قهر
لو كان في ايمان بحرمة الاقارب مكنش في اغتصاب لو في صلاة مكنش في ميول للغرائز
المفتاح ه و الدين احنا سلمنا المفتاح دا وتوهناه
فتهنا معاه
ندك حق لازم نلاقي المفتاح علشان نفتح على حياة جديدة
تحياتي

Chaimae Ali يقول...

السلام عليكم و رحمة الله
احييك يا متولي على تناولك قضايا مهمة جدا بقت للاسف شائعة في مجتمعاتنا و بقت بتهدد العلاقات الاسرية و علاقات المجتمع عموما.
قلة دين قلة ايمان قلة انسانية و قلة علم يمكن ده اقل الاسباب الممكنة اننا نذكرها و نقول ان هي السبب
نرجع و نقول كل الفساد ده سببه قلة مسؤولية الاسرة في تربية ابنائها و انشائهم تنشئة صحيحة و تربية اجيال صالحة ..
ربك قادر على كل شيء
تحياتي اخي الكريم

مونتي بوكيه ورد يقول...

أسمه جملة تترد علي مسامعي بلا ارادة تتكرر ويترك صداها حولي احنا في زمن المسسسسسسسخ
أحاول ايقافها بلا جدوي صداها يعلو بشدة .. كل ما قلته موجود بالفعل وفي المقابل يبقي الخير في امة محمد صلي الله عليه وسلم لاخر لحظة في الدنيا ..
كما يوحجد تناقضات يد الله العليا تحفظ ارواح كثيرة في مواقف يقشعر لها البدن .. فلله الحمدل من قبل ومن بعد حكمتك يارب وراضيين بيها .. مسلمين نفسنا و متوكلين عليك و بندعك يارب احفظ روح صغيرة من ارواح مريضة يارب ابسط بالرزق علي الجميع واجعل من الولائم رزقاً للناس و الدواب و الطير اللهم امين
هو فعلا موضوع مش عادي .. شكرا صديقي

مونتي بوكيه ورد يقول...

أسمه جملة تترد علي مسامعي بلا ارادة تتكرر ويترك صداها حولي احنا في زمن المسسسسسسسخ
أحاول ايقافها بلا جدوي صداها يعلو بشدة .. كل ما قلته موجود بالفعل وفي المقابل يبقي الخير في امة محمد صلي الله عليه وسلم لاخر لحظة في الدنيا ..
كما يوحجد تناقضات يد الله العليا تحفظ ارواح كثيرة في مواقف يقشعر لها البدن .. فلله الحمدل من قبل ومن بعد حكمتك يارب وراضيين بيها .. مسلمين نفسنا و متوكلين عليك و بندعك يارب احفظ روح صغيرة من ارواح مريضة يارب ابسط بالرزق علي الجميع واجعل من الولائم رزقاً للناس و الدواب و الطير اللهم امين
هو فعلا موضوع مش عادي .. شكرا صديقي

mrmr يقول...

موضوع جميل وفى غايه الاهميه
شكرا لك

Remas يقول...

البوست بجد رااااائع
دايما بتتناول موضوعات وقضايا تهمنا نغفل عنها احيانا واحيانا نتغافل عنها

مش عادي فعلا عجبني اوي العنوان
لانه عندما تُنزع الرحمة وينزع الايمان من القلوب فانه حقا مش عادي
والصومال دا موضوع كبير ومحتاج فعلا صحوة كبيرة لمساعده الناس هناك

بجد البوست لمسنى جدا
سلمت يداك محمد

زينة زيدان يقول...

قتلتني الكلمات هنا

أكيد ليس شيئا عاديا

كل شيء هنا

يتألم

الصور تتكلم

وتصف حلتنا التعيسة


تحيتي لقلمك الهادف