الجمعة، 11 فبراير 2011

دى اول خطوة

السلام عليكم ورحمة الله 
افرحوا يا شباب ومصر كلها تفرح مش شباب بس الكل يفرح .
اليوم وقد انتهى عصر وبدأ عصر جديد دعونا نتم فرحتنا ثم نبدأ بالاستفادة من ايجابيتنا وحماسنا فى تنمية وتطوير مصر .
لكن لابد من كلمة فى البداية اوجهها الى سيادة (الرئيس محمد حسنى مبارك ) اقول له انه بشرا مثلنا له اخطاؤه وله حسناته  مثل كل واحد فينا له وعليه فالعصمة من الاخطاء رفعت بموت الانبياء ، ورغم كل ما نحمله عليه وما فعله رجاله بنا الا انى واتكلم عن نفسى لا انسى ان اشكره على ما قدم لمصر وقت الحرب والسلام فليس من عادتى نكران الفضل واتأسف له عن خروجه بهذا الشكل الذى لا يليق واعتذر له فقد كنا بحاجة الى تغيير ولن تنساه مصر وسيذكره التاريخ ويشهد على اعماله واعلم انه ما خرج به الا حفاظا على دماء المصريين فله منى خالص الشكر .

كل واحد فينا له دور بسرعة يبدأ فيه بسرعة مستنين ايه من دلوقتى مش عاوزين نلاقى اهمال فى الشغل وفى كل مجال مش عاوزين نلاقى شوارعنا مش نظيفة مش عاوزين نلاقى حد بيقصر فى عمله مش عاوزين نلاقى حد قاعد فى بيته وايده على خده مستنى الشغل يجى لحد عنده لازم نتحرك لازم ناخد خطوة لازم نستفيد من فرحتنا ونوصل بيها لفرحة اكبر عاوزين نعلم الدنيا كلها مين مصر عاوزين نعلم الدنيا كلها ازاى نقدر نبنى كل شبر فى بلدنا فى وقت قياسى عاوزين نتعلم لغة الحوار عاوزين نلاقى كل واحد فى مكانه اللى يستحقه عاوزين نكون كلنا ايد واحدة من غير انقسام(كنا منقسمين عشان كلنا بنحب مصر دلوقتى كلنا ايد واحدة تحت علم مصر )
يالا يا شباب يالا يا بنات يالا كل واحد مننا استغلوا كل حماس عندكم استغلوا كل لحظة فى عمركم ها هتبدأ امتى؟ 
اللهم لك الحمد على نعمتك ونسألك أن تتمها علينا برحمتك اللهم امين 

14 رأيك يهمنى:

Noha Saleh يقول...

لازم كلنا نتغير ونبقى ناس ايجابية مش بالشعارات لا
بالفعل كمان

موناليزا يقول...

بإذن الله القادم اجمل

eng_semsem يقول...

صدقني كلنا عايزين دلوقتي نخدم مصر
وكلنا هنحاول نغيرها للاحسن ان شاء الله

ليلى الصباحى.. lolocat يقول...

مبروك مبروك
وان شاء الله المستقبل اجمل
وكلنا لازم نكتب فى ازاى نبنى مصر
ويكون بنفس الحماس فى الايام اللى فاتت وبنفس الاصرار والتحدى

بارك الله فيك اخى ويارب يولى امرنا اتقياء صالحين
مبروك لكل المصريين

لــــ زهــــــراء ــــولا يقول...

ورغم كل ما نحمله عليه وما فعله رجاله بنا الا انى واتكلم عن نفسى لا انسى ان اشكره على ما قدم لمصر وقت الحرب والسلام فليس من عادتى نكران الفضل واتأسف له عن خروجه بهذا الشكل الذى لا يليق واعتذر له فقد كنا بحاجة الى تغيير ولن تنساه مصر وسيذكره التاريخ ويشهد على اعماله

" نحن كما قولت شعب له اصل ليس من عاداته نكران الجميل ولا من صفاته الشماتة... يلاااااا مصر مستنيانا وبكرة موجود عشنااااااااااااااااا

تسلم ايدك يا محمد ودي شهادة للحق والتاريخ

لولا

غير معرف يقول...

بتمنى للشعب المصري حياة أجمل بإذن الله .

شكرا كتير على زيارتك و كلماتك الجميلة .

تحياتي

مازن الرنتيسي يقول...

بسم الله وبعد
يؤتي الملك من يشاء وينزع الملك ممن يشاء
اليوم ننجيك ببدنك لتكون لمن خلفك آية
نبارك لكم نصركم إخواننا في مصر الحبيبة ونسأل الله عز وجل بأن يرزقكم حاكما ربانيا يحكم بكتاب الله وسنة رسوله وأن يوفقهم إلى كل خير

أخوانك في الله
أبو مجاهد الرنتيسي
أحلام الرنتيسي

مصطفى سيف الدين يقول...

لازم كلنا نكون متحمسين علشان نغير البلد دي ونعيد بنائها
كلنا بنحب مصر ومصر دلوقت بتمد لينا ايديها ولازم كلنا نبدا نرجعها احسن من الاول

كلمات من نور يقول...

مبروك النصر ورفع الراس عاليه وسط كل الدنيا ......الناس في كل بلاد العالم فرحانه علشان فعلا مصر أم الدنيا

;كارولين فاروق يقول...

دقت ساعه العمل
ولازم كلنا نعمل
وان شاء الله القادم اجمل

Unknown يقول...

قد أراد الشعب واستجاب القدر
فالقدر يستجيب لإرادة الأحرار المخلصين ولقد أخلص شباب الأمة نواياه للمولى عزوجل فكان النصر المؤزر
الحمد لله ولاإله إلا الله

شهر زاد يقول...

رحلة مع الحياة
فعلا الان تبتدأ الرحلة مهع حياة الحرية
حياة التحدي
حياة الامل
حياة الانجازات
خد ايدي وياله نبني مصر
تحياتي

فارسه وجوادها يقول...

مسا الخير
لطالما احترمت شخصك الكريم ولكن اسمحلي أنا مش رح أبارك على رحيل الريس لانني شديدة الحزن عليه


وأدرك تماما ان مصر ستعيش اياما عصيبه بعده لا اقصد الاهانه لمصر وانما من خوفي عليها

وخليني اعطيك معلومه باتت عندنا بغزة
ومازالت تتردد

انه رح يدخل الفلسطيني فقط بالهويه من غير رسوم ومن غير جواز سفر هذا نظرا الى العواقب اللي بعد كدة


مرسي الك وبتفهم انه هاي تغيير ولكن مش مضمون اذا كان أفضل

فارسه وجوادها يقول...

اسمي ع الفيس فارسة فادي وحاضرة لاي نقاش