الأربعاء، 9 فبراير 2011

ارض الميدان

من غير وعود اتجمعوا فى ارض الميدان
وفى لحظة قالوا يا مصرنا أن الاوان
أن الاوان                 أن الاوان
 أن الاوان تتبدلى تتغيرى وتبدلى الظلم اللى كان
أن الاوان تتقدمى تتطورى وترجعى عزة زمان
أن الاوان                أن الاوان

يا مصر ولادك داسوا على كل الصعاب
يا مصر شعبك فى وقت أذنب دلوقتى تاب
يا مصر شعبك حالف يبعد عنك الذئاب
بدمعتك ثارت ولادك أصبحت ثورة شباب
أن الاوان               أن الاوان
 أن الاوان ينتهى الليل اللى طال
شعبك بدأ وانه يسكت شئ محال
شعبك رفض للظلم للغربة وللاحتلال
شقوا بايديهم طريق النور فانطفى الظلم وزال
أن الاوان                      أن الاوان 
من غيروعود اتجمعوا فى ارض الميدان 
وفى لحظة قالوا يا مصر أن الاوان
أن الاوان             أن الاوان 
يارب ارحم كل من ضحى عشان الشعب يعيش فى عزة وامان 
يارب اكتب الشهادة لكل واحد مات على يد الطغيان 
يارب اكتب جنتك للى اتقتل بذنب واحد انه طلب يكون انسان
أن الاوان               أن الاوان



14 رأيك يهمنى:

Unknown يقول...

هوه انت كنت معترض عل ايه بالظبط في البوست بتاعي وقريت ردي على تعليقك ولا لا
تحياتي

فاروق سحير ( فاروق بن النيل ) يقول...

رح لةح ياه محمود .........
الله الله لما الكلام بيكون من القلب بيوصل على طول وصل ياريس شكرا على الروعة ونتقابل يوم الجمعة بصلاة الجمعة وصلاة الغائب بميدا ن التحرير وكمان بعدها حانكون متواجدين عند النصب التذكارى لصور الشهداء نترحم عليهم ونقرالهم الفتحة دول المحترمين الشهداء الأحياء موش الميتين دول اللى يستحقوا أن أحتفل معاهم بيوم مولدى 11 فبراير شكرا لك

فاروق سحير ( فاروق بن النيل ) يقول...
أزال المؤلف هذا التعليق.
مصطفى سيف الدين يقول...

نيويورك تايمز امبارح قالت ان الميدان اصبح جمهورية متحضرة للحرية
وهو فعلا كده الميدان مابقاش رمز للثورة بس ده بقى رمز للحرية في جميع انحاء العالم
وخاطرتك الرائعة هو تجسيد لمشاعر الملايين اللي نفسهم يكونو في الميدان دلوقت
اخيرا نقدر نقولها ارفع راسك يا اخي انت مصري
تحياتي وتقديري لقلمك الرائع

Unknown يقول...

السلام عليكم

تحياتي على الكلمات الطيبة المعبرة...

حقيقة أختي الكريمة ما حدث ويحدث يوميا في هذا الميدان لهو ظاهرة لم يحدث مثيل لها في العالم وتستحق أن يكتب عنها الكثير والكثير...

تصوري مليون يجتمعوا يوميا تقريبا وينفضوا دون أية مشاكل ولا خسائر ولا خدمات حكومية كالتي تستمر السعودية في تجهيزها لأهل عرفات عدة أشهر سابقة..!!!

دمتِ سالمة.

مازن الرنتيسي يقول...

بسم الله وبعد
ميدان التحرير هو رمز التحرير بإذن الله لكافة بلاد المسلمين

تقبل مرور أخزك في الله \ أبو مجاهد

تــركــي الــغــامــدي يقول...

تحياتي لشخصك الكريم ... وإن كنت أحسبها انتفاضة لأن السياسة ستكون حاضرة في نهاية الأمر ، والله المستعان .

غير معرف يقول...

الله علي الكلام جميل وحبك لوطنك واضح فيه ربنا يوافقق للافضل
بجد مصر بلد العروبه اهلهاعلي مر العصور علي حق دائما
لولم اكن مصريا لوادت ان اكون مصريا

إيمان هلال يقول...

فى عنيكى نار مزجة السعاده بالالم
زى الوتد بيشد قلمى اللى انكسر
يمحى الجراح ... يمحى الالم ... يمحى الاهات
ويمحى عمرى اللى انقضى من غير ميعاد
وصبرى فيكى ينكتب لحظة ميلاد
ممزوج عجيــــــــــــــب اسمه الوطن

غير معرف يقول...

آآآآآمين

صبر جميل ,,

وفرج قريب لمصر ان شاء الله

شهر زاد يقول...

اخي محمد
كلامك اريج فواح تستنشقه القلوب المتلهفة المحروقه على احداث مصر
كلام نابع من الفؤاد تستقبله افئدة القراء ليخلق بداخلها الامل في الغد
لسانك بينطق بمصر وحروفك بترسم علمها وقلمك بعبر عن نيلها
الله الله عليك يا مصر
انت فعلا ولادة
تحياتي

♥نبع الغرام♥♪≈ يقول...

يارب ارحم كل من ضحى عشان الشعب يعيش فى عزة وامان
يارب اكتب الشهادة لكل واحد مات على يد الطغيان
يارب اكتب جنتك للى اتقتل بذنب واحد انه طلب يكون انسان
أن الاوان أن الاوان



بجد ابدعت يا محمد مش لاقيه كلام بعد كلامك

بجد تصفيق حااد لشخصك الجميل

Heba Salem Youssef يقول...

السلام عليكم ورحمة الله وبركاته

ماشاء الله
كلمات رائعة ووصف وتجسيد لتلك الانتفاضة المحولة لدفة مصر اجمعها

اسال الله ان ييسر الخير لمصر
ويرحم الشهداء ويسكنهم فسيح جنته
بارك الله فى قلمكم الرائع
ووفقتم فيما تكتبون

queen silent يقول...

الله الله هو دا الكلام ..

اما الفرقه والتشتت اللي كنتو فيه والله دا شيئ مزعج

الحمدلله ...

"ان تنصرو الله ينصركم ويثبت اقدامكم "

وعقباااال كل اللي كانو معترضين

ينضمووو للاصوات اللي بتنادي للحريه ..




دمت متألق
جميل جدا

استمر ...