ابنوها وعلوها
واوعوا فى يوم تبكوها
دى يا ما اتحملت قسوة
ودلوقتى فى ساعة نشوة
وخايفة يوم فيه تنسوها
ابنوها وعلوها
دى ياما لكلهم مدت ايديها
وعشانهم ياما اتظلمت واديها
واديها لسه بتعلم
لاولادها وتتكلم
تضحك للكل وتسلم
توصيهم يخلوها
فى نن العين يشيلوها
لأنى ام للدنيا
تعبت كتير من الفرقة
وانا قلبى اتملى حرقة
عشان ولادى متفارقة
بيمشوا كتير وانا هبقى
لانى ام للدنيا
ابنوها وعلوها
واوعوا فى يوم تبكوها
اهداء الى الغالية فى كل القلوب مصر
24 رأيك يهمنى:
رحلة مع الحياة
شفت الحخرية حلوة ازاي
بتخلينا نخرج الي في قلوبنا ونهتف باعلى صوتنا ونعرف قيمة الي في ادينا
دلوقت بس يا شباب مصر عرفتو قيمة امكم وحضنتوها زي مهي حضناكم
فعلا يا اخي
حطوها في نن عنكم
دي هي مصر
مصر ام الدنيا
يسلم قلمك يا مبدع الثورة
تحياتي
اول مرة احظى باول تعليق
علشان كده حتسلطن واسرق تاني تعليق كمان
مادامت المناسبة فريدة من نوعها وجميلة
فانا حغتنم الفرصه واقول من تاني
تحيا مصر حرة ابية
تحيا مصر ام الدنيا
مبروك لمصر ام الدنيا مبروك لينا كلنا
يسلم قلمك وكلماتك الرائعة فى حب مصر
الف مليون مبروك
الحرية
الف مليون مبروك فجر جديد لنا ولكل العرب
" جميلة جميلة جميلة جداً الكلمات ... ونفوجئ في الاخر بصورة جسدت معاني الحروف وجسدت الاحساس .. ام شايلة رضيعها وبتقولة في همسات.. وصية ارضنا لينا ومصر الام في الفرحة وف الازمات...
لو تبص يا محمد على الام وهي بتبوس ابنها وشايلاه بحنية هتحس للحظات انها بتهمسلة بكلمات الابيات والام هي مصر والابن هو احنا لسة مولودين وعمرنا يادوب لحظات ميلادنا من جديد وهي الحضن والاحتواء ..."
"لأنى ام للدنيا
تعبت كتير من الفرقة
وانا قلبى اتملى حرقة
عشان ولادى متفارقة"
دي بقى اكتر ابيات قعدت مشدودة ليها افكر فيها ...مصر بجد تعبت قوي واتحملت الام الحمل لحد ما اتولدنا من جديد وقلبها لسة محروق بنار فراق ابناء ليها ومش نسياهم وفكرت ياترى الفرقة اللي بتقول عليها فرقة الابناء اللي استشهدوا ولا فرقتنا احنا وعدم لمتنا مع بعضنا؟ مازال السؤال مطروح وبكرة هنعرف اجابته"
لولا
محمد متولى.............
إن شاء الله نبنيها بعرقنا زى ماخدنا حقوقنا بدمنا وحررنا مصر بشهدائنا
ألف ألف مبروك لشعب المصري العزيز
وعقبى لباقي الشعوب المضطهدة
تحيتي ومودتي
بسم الله وبعد
يؤتي الملك من يشاء وينزع الملك ممن يشاء
اليوم ننجيك ببدنك لتكون لمن خلفك آية
نبارك لكم نصركم إخواننا في مصر الحبيبة ونسأل الله عز وجل بأن يرزقكم حاكما ربانيا يحكم بكتاب الله وسنة رسوله وأن يوفقهم إلى كل خير
أخوانك في الله
أبو مجاهد الرنتيسي
أحلام الرنتيسي
لتملأ مصر صدرها بشهيق عميق
تأهباً لبداية نهاية أخرى
اكرم بشعب مصر..شعب قاهر المستحيل
كلامك برغم انه مش منظم شوية
يمكن عشان الانفعال من اللي حصل
واحساس باللي جاي
خايف من الي جاي زي ما انا وغيري كتير خايفين
بس ان شاء الله خير
واكيد اللي جاي مش هيكون أصعب من اللي فات
الاصعب فات وده المهم
تحياتي
نحمد الله على كل حال
مافيش احسن من الكلام اللى طالع كده من القلب
بس طالع مترتب وجميل يا محمد
مصر غاليه علينا
وهنحافظ عليها
يارب اللى جاى يكون احسن بفضل الله عز وجل
وياريت مش ننسا الشهداء يا من ضحيتم بحياتكم فى سبيل الله
ومن اجل تحرير اهلكم ووطنكم تحيه خالصة لكم فى ارقى مكان واكرم جوار
فى اعلى الجنان
وبجوار الرحمن وبالجنه تمرحون
وتحيه كبيره لجيش مصر العظيم الذى حمى الثوره منذ ان نزل الى الشوارع
وامن الناس والمؤسسات بعد انسحاب الشرطه
اجمل تحيه ليكى يا مصر
السلام عليكم ورحمة الله
ابنوها وعلوها واوعوا فى يوم تبكوها
دى اهم فقرة فى كلماتك ودى اهم فكرة لازم تسيطر على عقولنا فى الوقت ده
عملنا ثورة وحققنا مطالبنا
وسقط النظام الفاسد
يبقى فاضل الاهم ...لان لو حصل فساد تانى هنكون احنا السبب اكيد لاننا سمحنا اننا نصفع مرة اخرى من جحر واحد
علشان كده لازم نحب بلدنا بجد ونحافظ عليها بجد بكل ما نقدر من طاقة نبنيها ولو اننا امطنا ورقة او طوبة بالطريق تضايق المارة
باى شىء بسيط نقدر نحافظ عليها
ان شاء الله الجاى اجمل وافضل علينا كلنا
الف الف مبرووووووووك لمصر
تحياتى لك اخى الكريم وتقديرى
بلادى بلادى بلادى
جميلة اوى بجد
كلام طالع من القلب
ان شاء الله هنبنيها ونعليها
وربنا يحفظ مصر
؟؟؟؟؟؟؟؟؟؟؟؟؟؟؟؟؟؟؟
والله حقكم ترفعوا رؤوسكم وتفتخروا ببلدكم وتعيشوا بحرية وكرامة
كلماتك تدل على حرصك وحبك لبلدك
تحياتي لك
السلام عليكم...
مبروك للشعب المصري ولكافة شعوب العالمين العربي والاسلامي...وايضا لشعوب العالم الحر ...انتصار الثورة المصرية الكبرى التي حققت اروع الانتصارات ضد اخر فرعون يحكم مصر...
الحرية للجميع...
دمتم بخير...
تحية إلى ارواح الشهداء التي تحلق في سمائنا فرحة فخورة بنا
تحية إلى كل أهالي الشهداء الذين ارتفع صوتهم مزغردين فرحين بنصر مصر ولو بالتضحية بهم
تحية إلى مصررررررررررررر
رائعة!
ألف مبروك الحرية وهذه ان شاءالله أول خطوة في طريق الألف ميل الذي سيُعبد بهمتكم , بهمة شباب وشابات مصر ..
جد انتو رفعتو الرأس ..
لك ولكلماتك المؤثرة الف تحية ..
جميلة اوي يا محمد
بجد مصر تستاهل اننا نخليها اعظم دولة في العالم
وتستاهل مننا كل حاجة نقدر نعملها علشانها
الف مليون مبروك لمصر
وتحياتي
جميييييييييييييييييييييييييييييييل جدا
والله وطلعت فنان يابني :)
بس بصراحه مصر تستاهل اكتر من كداا كمان
ربنا يحميها ويعليها كمان وكمان
تحيا مصر تحياااا مصر تحيااااااا مصر
استمر >>
ما شاء الله عليك يا محمد
كلمات غاية في الروعة ذات إحساس صادق إلى أبعد الحدود
_______
حقاً علينا أن نحمي تراب هذا الوطن حتى تظل مصر دوما أم الدنيا
_________
خالص تقديري لفكرك وقلمك
بالتوفيق دائما
وفي انتظار المزيد من الابداعات
هذه أول زيارة للمدونة
وإن شاء الله لن تكون الأخيرة
تقبل مروري
Casper
الف مبروك لمصر ولكل المصريين
السلام عليكم
لكل اللى شرفونى وحبايبى وزمايلى واصحابى ولكل مدون جديد عندى لكنه استاذ لى لكم منى خالص الشكر على كلماتكم الجميلة فما كتبت الا تعتعة حروف فى حب مصر
شهرزاد- هبه فاروق- ماشى بنور الله - لولا - أ فاروق- مملوك - ابو مجاهد - لوسى - رحاب - ايناس - ام هريرة - اعقل عاقلة - نهى - واحد من الناس - حرة - openbook- كلمات من نور- بيلت - مصطفى - ضياء فجر - كاسبر - حلم - نورتونى
إرسال تعليق